The Electronic Text Corpus of Sumerian Literature

ETCSLtransliteration : c.2.6.9.3

A prayer to An for Rīm-Sîn (Rīm-Sîn C)

1.	sipad mu pad₃-da an kug-ge nam gal an-na tar
2.	^dri-im-^dsuen mu pad₃-da an kug-ge nam gal an-na tar
3.	nun cag₄ zid-ta nam-lugal-la mu-un-sa₂
4.	nam-men uj₃ car₂-ra-ce₃ gal-le-ec kij₂-kij₂-en
5.	larsam^ki-ma kur SA₄ me nam-nun-na de₂-a
6.	nam-sipad ki-en-gi ki-uri-ce₃ zid-de-ec pad₃-da-me-en
7.	an gal mah an ki-a en nij₂-nam gal-zu
8.	a-a dijir-re-e-ne nam tar-tar-re-de₃ ki-bi-ce₃ ci-jar
9.	dug₄-ga dugud inim-bi nu-silig-ge
10.	an-cag₄-ga sikil-la DU jal₂
11.	nun ^dri-im-^dsuen sipad cag₄-ge «UD» de₆-a-ne-me-en
12.	an gal-e cag₄ ki aj₂-ja₂-ni dalla hu-mu-ra-<ni>-in-e₃
13.	nij₂-si-sa₂-zu-ce₃ gu₃ zid-de₃-ec hu-mu-ra-ab-de
14.	an cag₄-ge su₃-ra₂ ud nam-til₃-zu hu-mu-ra-ab-dirig-ga
15.	nam-lugal kur nij₂-dajal-la ud su₃-ra₂-ce₃ hu-mu-ra-ab-cum₂
16.	inim kug-ga-ne-ne-a nam nam-til₃-la hu-mu-ra-ab-tar
17.	dug₄-ga nij₂-nam nu-kur₂-da zi su₃-ra₂ hu-mu-ra-ab-tah
18.	aga kug-ge saj-za-a he₂-ne₂-eb-ge-en
19.	^jicgu-za nam-til₃-la-ka gal-bi hu-mu-ra-ab-tuc
20.	u₃-luh nij₂-si-sa₂ cu-zu-ce₃ hu-mu-ra-ab-si
21.	ecgiri₂ kalam ge-en-ge-en su-zu-a he₂-bi₂-la
22.	cibir uj₃ lu-a hu-mu-ra-ab-dab₅
23.	ubur an sud-aj₂ jal₂ hu-mu-ra-ab-taka₄ cej_x(IM.A) an-na hu-mu-ra-ab-cej₃
24.	mu ma-da ud nam-he₂ an-cag₄-ta zag hu-mu-ra-ab-kece₂
25.	iti₆ nij₂ giri₁₇-zal cag₄ hul₂-la ud-zu-ce₃ hu-mu-ra-ab-jar
26.	bal nij₂ dug₃ nij₂-si-su si-a cu-zu-ce₃ hu-mu-ra-ab-jar
27.	an gal-e su₃-ra₂-ce₃ a₂-bad-jal₂ nam-lugal-la-zu he₂-a
28.	^dri-im-^dsuen lugal-ju₁₀
29.	28 mu-ni cudu₃-de₃ an

Print sources

Charpin 1986, p. 275-278: score transliteration, translation, commentary

Steible 1975, p. 3-25: score transliteration, translation, commentary

Electronic sources

Krecher 1996: composite text

Krecher 1996a: composite text, translation

Tinney 1998xxx: composite text

Cuneiform sources

U 7745 (UET 6 102)

Revision history

04.vi.1999-07.vii.1999: JAB, editor: standardisation
26.vii. 1999: GZ, editor: proofreading
26.vii. 1999: GZ, editor: SGML tagging
10.ix.1999: ER, editor: proofreading SGML
19.xi.1999: GC, editor: adding subscript tag
10.ix.1999: ER, editor: web publication
01.vi.2003: GC/JE, editor/technical developer: XML/TEI conversion
30.iii.2005: GC/JE, senior editor/technical developer: lemmatised version published