The Electronic Text Corpus of Sumerian Literature

ETCSLtransliteration : c.2.4.1.6

A šir-namšub to Nanna for Ur-Namma (Ur-Namma F)

1.	[ur₃]-bad₃ kug-ga-ta hi-li gur₃-ru
2.	/urim₂\^ki uc-u₂-zu he₂-jal₂ ki us₂-sa
3.	asil₃-la₂-a uru₂ u₃-mu-un-zu he₂-a-u₅^!
4.	^dur-^dnamma he₂-a-u₅^!
5.	sun₄ za-gin₃ sud₄-sud₄ he₂-a-u₅^!
6.	gu₂-en-ta en sukud-da ed₂-de₃-bi-ta nir-jal₂
7.	abula-zu e₃-<a> a mah gaba-cu-jar nu-tuku
8.	ec₃ urim₂^ki cag₄-zu kur he₂-jal₂ bar-zu /hur-saj\ he-<nun-na>
9.	e₂-kic-nu-jal₂ hur-saj galam-ma cag₄-bi lu₂ nu-zu
10.	e₂-zu^! kur gi-rin-na mu-zu cag₄ gur-ra
11.	en-zu en sig₇-ga mu pad₃-da
12.	dumu ^dnin-sumun₂ me-te kur-kur-ra
13.	e₂ me gal-zu rab₃ dijir-re-e-ne kalam-ma la₂-am₃
14.	kan₄-zu dijir-zu dijir sig₇-ga mu pad₃-da
15.	jal₂ da₁₃-da₁₃-bi(source: GA) ^dutu an-ur₂-ta ud mi-ni-in-jar-ra
16.	/gi\-sa₂-zu ki nam tar-ra dijir-re-e-ne di si sa₂ ku₅-ru-de₃
17.	[^da]-/nun\-na dijir an ki-ka ad mi-ni-in-gi-gi-ne
18.	[...] X-zu-ta munus zid giri₁₇-zal a-a gu₂ pec-a
19.	[cag₄-ga-zu-ta] jic-hur kug-ga-a hul-jal₂ [nu]-/mu\-[un]-dab₅^!-be₂
20.	[e₂ gi]-/gun₄\-na ninda-ba-bi ki-bal kuc₇ [su₃-su₃]
21.	[dub-la₂]-/mah\ ki nam tar-re-za
22.	[dijir] /gal\-gal-e-ne nam mi-ni-tar-re-ne
23.	ki-en-gi ki-uri uj₃ saj gig₂-ga
24.	^dur-^dnamma ^dsuen cag₄-ge ba-ni-in-pad₃
25.	lugal hi-li gur₃-ru me-lem₄ kalam-ma dul-la (Cited in Ur III catalogue at Yale, 0.1.2, line 17; OB catalogue from Nibru (N6), 0.2.13, line 12)
26.	me-e ^enu₃-mu-un-ra mi₂ zid-de₃-ec
27.	^dur-^dnamma ga-an-i-i-de₃
28.	^dur-^dnamma hi-li gur₃-ru me-lem₄ kalam-ma dul-la
29.	^dur-^dnamma ^dac-im₂-babbar cag₄-ge ba-ni-in-pad₃
30.	^jicrab₃-ba kur-kur-ra im-mi-in-jar
31.	si-jar kalag-ga im-mi-in-gib-ba lugal ^dsuen-ra tum₂-ma-am₃
32.	nij₂-erim₂ igi-ni-ce₃ nu-dib₂-be₂
33.	nij₂-si-sa₂ ^dur-^dnamma nij₂-gur₁₁ sa₂ bi₂-in-dug₄
34.	za-pa-aj₂-ja₂-ni-ce₃ kur erim₂-ma bi₂-in-jar
35.	ki-bal-bi mu-un-sig₁₀ ^dur-^dnamma mackim im-me
36.	lugal-e e₂ ^dsuen-na-ke₄
37.	^id₂idigna ^id₂buranuna ^dur-<^d>namma-ke₄ nam mu-ni-ib₂-«BI»-tar-re^!
38.	[^d]/utu\ an-ur₂-ta e₃-a-ba
39.	[nam]-/lu₂\-ulu₃ hu-mu-ci-ib₂-dajal-e-ne
40.	[X] [^d]nin-sumun₂-ka hu-mu-ni-in-dib₂-dib₂-be₂ u₆ di X X
41.	[nin]-/bi\ nin nij₂-gur₁₁-e ki aj₂
42.	[ki] /aj₂\-ja₂-na-ke₄ ^dur-^dnamma-ke₄ nam mu-ni-ib-tar-re
43.	[^d]/nin\-gal nin-bi nin nij₂-gur₁₁-e ki aj₂
44.	[munus a] nun-na-ke₄ ^dur-^dnamma-ke₄ «nij2-gur11-e ki aj2» <nam mu-ni-ib-tar-re>
45.	/sipad\ ^dur-^dnamma-ke₄ il₂ e₂ ^dsuen-na-ce₃ sun₄ za-gin₃ sud₄-sud₄
46.	[X] ^dnin-X hu-mu-ni-ib-dib₂-dib₂-be₂
47.	[X] X dug₃-ga-am₃ hi-li-ba ku₇-ku₇-dam «nu^?»
48.	[^d]/nin\-lil₂-le ud-da u₃-tud-da-gin₇
49.	[dumu] [^d]/nin\-sumun₂-na-ke₄ za-e hu-mu-ra-u₃-tud
50.	sipad-da an kug-ga hu-/mu\-[...]
51.	sipad ^dur-^dnamma-da saj [...]
52.	cir₃-nam-cub ^dnanna-/kam^!\

Print sources

Cohen 1975, p. 598-600: score transliteration, translation, commentary

Flückiger-Hawker 1999, p. 260-289: score transliteration, translation, commentary

Electronic sources

Krecher 1996: composite text

Cuneiform sources

BM 78183 (PSBA 1918 pl. 2; CT 44 16)

Revision history

30.iv.1998: GZ, editor: standardisation
17.v.1998: GZ, editor: minor corrections
12.vi.1998: JAB, editor: proofreading
22.xii.1999: GZ, editor: minor corrections
04.i.2000: GZ, editor: SGML tagging
04.ii.2000: ER, editor: proofreading SGML
04.ii.2000: ER, editor: web publication
01.vi.2003: GC/JE, editor/technical developer: XML/TEI conversion
30.iii.2005: GC/JE, senior editor/technical developer: lemmatised version published