The Electronic Text Corpus of Sumerian Literature

ETCSLtransliteration : c.2.6.9.3

A prayer to An for Rīm-Sîn (Rīm-Sîn C)

1.	sipad mu pad₃-da an kug-ge nam gal an-na tar
2.	^dri-im-^dsuen mu pad₃-da an kug-ge nam gal an-na tar
3.	nun šag₄ zid-ta nam-lugal-la mu-un-sa₂
4.	nam-men uĝ₃ šar₂-ra-še₃ gal-le-eš kiĝ₂-kiĝ₂-en
5.	larsam^ki-ma kur SA₄ me nam-nun-na de₂-a
6.	nam-sipad ki-en-gi ki-uri-še₃ zid-de-eš pad₃-da-me-en
7.	an gal maḫ an ki-a en niĝ₂-nam gal-zu
8.	a-a diĝir-re-e-ne nam tar-tar-re-de₃ ki-bi-še₃ ši-ĝar
9.	dug₄-ga dugud inim-bi nu-silig-ge
10.	an-šag₄-ga sikil-la DU ĝal₂
11.	nun ^dri-im-^dsuen sipad šag₄-ge «UD» de₆-a-ne-me-en
12.	an gal-e šag₄ ki aĝ₂-ĝa₂-ni dalla ḫu-mu-ra-<ni>-in-e₃
13.	niĝ₂-si-sa₂-zu-še₃ gu₃ zid-de₃-eš ḫu-mu-ra-ab-de
14.	an šag₄-ge su₃-ra₂ ud nam-til₃-zu ḫu-mu-ra-ab-dirig-ga
15.	nam-lugal kur niĝ₂-daĝal-la ud su₃-ra₂-še₃ ḫu-mu-ra-ab-šum₂
16.	inim kug-ga-ne-ne-a nam nam-til₃-la ḫu-mu-ra-ab-tar
17.	dug₄-ga niĝ₂-nam nu-kur₂-da zi su₃-ra₂ ḫu-mu-ra-ab-taḫ
18.	aga kug-ge saĝ-za-a ḫe₂-ne₂-eb-ge-en
19.	^ĝišgu-za nam-til₃-la-ka gal-bi ḫu-mu-ra-ab-tuš
20.	u₃-luḫ niĝ₂-si-sa₂ šu-zu-še₃ ḫu-mu-ra-ab-si
21.	ešgiri₂ kalam ge-en-ge-en su-zu-a ḫe₂-bi₂-la
22.	šibir uĝ₃ lu-a ḫu-mu-ra-ab-dab₅
23.	ubur an sud-aĝ₂ ĝal₂ ḫu-mu-ra-ab-taka₄ šeĝ_x(IM.A) an-na ḫu-mu-ra-ab-šeĝ₃
24.	mu ma-da ud nam-ḫe₂ an-šag₄-ta zag ḫu-mu-ra-ab-keše₂
25.	iti₆ niĝ₂ giri₁₇-zal šag₄ ḫul₂-la ud-zu-še₃ ḫu-mu-ra-ab-ĝar
26.	bal niĝ₂ dug₃ niĝ₂-si-su si-a šu-zu-še₃ ḫu-mu-ra-ab-ĝar
27.	an gal-e su₃-ra₂-še₃ a₂-bad-ĝal₂ nam-lugal-la-zu ḫe₂-a
28.	^dri-im-^dsuen lugal-ĝu₁₀
29.	28 mu-ni šudu₃-de₃ an

Print sources

Charpin 1986, p. 275-278: score transliteration, translation, commentary

Steible 1975, p. 3-25: score transliteration, translation, commentary

Electronic sources

Krecher 1996: composite text

Krecher 1996a: composite text, translation

Tinney 1998xxx: composite text

Cuneiform sources

U 7745 (UET 6 102)

Revision history

04.vi.1999-07.vii.1999: JAB, editor: standardisation
26.vii. 1999: GZ, editor: proofreading
26.vii. 1999: GZ, editor: SGML tagging
10.ix.1999: ER, editor: proofreading SGML
19.xi.1999: GC, editor: adding subscript tag
10.ix.1999: ER, editor: web publication
01.vi.2003: GC/JE, editor/technical developer: XML/TEI conversion
30.iii.2005: GC/JE, senior editor/technical developer: lemmatised version published